პანაშვიდი





პოეზია

პანაშვიდი




როცა მითხრეს, რომ მამაჩემი მოკვდა 
მე გავაძევე ყველა ღმერთი საკუთარი თავიდან.
როცა დედაჩემი ტიროდა,
მე მივედი და ფეხსაბანი თასი დავუდგი მის ცრემლებს,
მოვაგროვე და მამაჩემის ცხედარს ფეხები დავბანე.
როცა პანაშვიდზე მოსული ხალხი 
სკამებზე ვეღარ ეტეოდა,
მე ავიღე ყველა სკამი 
და თონეში ჩავყარე 
მამაჩემის პურის გამოსაცხობად.
მერე კი,
როცა მამაჩემს კუბოში ვაწვენდით და არ ჩაეტია,
მე ვითხოვე ნებართვა ქალაქის მეერისგან 
კუბოს გასაფართოებლად 
და უარის გამო მამაჩემი ჩავავიწროვე.
ბოლოს კი,
როცა მამაჩემის კუბოს მიწას აყრიდნენ,
მესაფლავეებს მიწა დააკლდათ,
მე ამოვიგლიჯე ჩემი გული და მიწაში გავურიე .

თანამედროვე ფილოსოფია, ლიტერატურა, ესეისტიკა, სიურრეალისტური გლემი, ჰორორი,პორნოგრაფიული ზღაპრები, პოლიტიკური პროვოკაციები, ძლიერთა ამა ქვეყნისათა შეურაცხყოფა... ასევე კიბერ-კულტურა, ქართული გლ(ი)ამური, ურბანული ფოლკლორი, მედია-კრიტიკა, შავი იუმორი, შოკი და ა.შ.