II საბავშვო ლექსი





პოეზია

II საბავშვო ლექსი




 

კნუტი, - რუხ - თეთრი, - ყველა მოძრავ
საგანს ჯერ რომ ეფხორება, მერე
რომ ეთამაშება, კნუტი, საფერებ -
საფერებლად კალთაში რომ მოძვრება.

საკმაოდ ცელქი. სულ ორი დეკადის
წინ რომ გასცდა სააბაზანოს სიგრილეს.
კნუტი, რომ დაკარგა დედა კატა,
რომ იღეჭავს საკუთარ ურძეო დვრილებს.

კნუტი, ძროხის რძეში ჩამბალ პურით
სავსე ლამბაქში ერთიანად, კუდით
ულვაშამდე გაზინზლული, კნუტი, ყურებ -
დაცქვეტილი, მჩხავანა კნუტი.


თანამედროვე ფილოსოფია, ლიტერატურა, ესეისტიკა, სიურრეალისტური გლემი, ჰორორი,პორნოგრაფიული ზღაპრები, პოლიტიკური პროვოკაციები, ძლიერთა ამა ქვეყნისათა შეურაცხყოფა... ასევე კიბერ-კულტურა, ქართული გლ(ი)ამური, ურბანული ფოლკლორი, მედია-კრიტიკა, შავი იუმორი, შოკი და ა.შ.