თურქი არტისტი ზეჰრა დოღანი ნახატის გამო დააპატიმრეს





news

თურქი არტისტი ზეჰრა დოღანი ნახატის გამო დააპატიმრეს




თურქ მხატვარსა და ჟურნალისტ ზეჰრა დოღანს ორი წლით, ცხრა თვითა და 22 დღით პატიმრობა მიესაჯა. არტისტის დაპატიმრების მიზეზი მისივე ნახატი გახდა, რომელშიც მან თურქეთის ძალოვანი უწყებების ძალადობაზე გაამახვილა ყურადღება. 
 
"თითქმის სამწლიანი პატიმრობა შემიფარდეს მხოლოდ იმის გამო, რომ ჩემს ნამუშევარში თურქული დროშები ჩანს დანგრეული შენობების ფასადზე. ეს შენობები კი, მარდინის ქურთულ პროვინციაში, უშუალოდ თურქეთის არმიამ დაანგრია" , - ამბობს ზეჰრა დოღანი.
 
Art Newspaper-ის ცნობით, დოღანი დღეს ერთ-ერთ კაფეში დააკავეს. ხელისუფლება მხატვრის "ქურთ მშრომელთა პარტიასთან" კავშირსაც იკვლევს. ეს ორგანიზაცია ერდოღანის რეჟიმმა ტერორისტულ დაჯგუფებათა სიაში შეიყვანა.
 
ზეჰრა დოღანის ადვოკატმა განაჩენი შეაფასა, როგორც ხელოვნებაზე და არტისტულ თავისუფლებაზე დარტყმა.
 
 

თანამედროვე ფილოსოფია, ლიტერატურა, ესეისტიკა, სიურრეალისტური გლემი, ჰორორი,პორნოგრაფიული ზღაპრები, პოლიტიკური პროვოკაციები, ძლიერთა ამა ქვეყნისათა შეურაცხყოფა... ასევე კიბერ-კულტურა, ქართული გლ(ი)ამური, ურბანული ფოლკლორი, მედია-კრიტიკა, შავი იუმორი, შოკი და ა.შ.