(თბილისში მომრავლდნენ ...)





პოეზია

(თბილისში მომრავლდნენ ...)




თბილისში მომრავლდნენ 
სინთეტიკური ადამიანები.
ისინი ხახუნის ძალით იმუხტებიან.

ჩემი მეგობრის პატარა ძმამ
თავზე მონიტორი ჩამოიცვა 
და გუგუნი დაიწყო.

პირდაპირ ჩართვებში 
ჟონგლიორობდნენ
ფერადი ბურთებით:
_დააფიქსირა, 
_გაკეთდა განცხადება,
_მინდა გითხრათ, რომ, 
_ადგილი ჰქონდა,
_შედგა შეხვედრა. 

ფერადი ბურთები მიხტუნავენ
სინთეტიკურ ქალაქში,
ლეწავენ
მანქანის შუშებს, მაღაზიის ვიტრინებს,
ბინების ფანჯრებს,
მუზეუმებს, პარლამენტის
შენობებს,
გვეჩრებიან პირში
და ფერად ბურთებს ვათამაშებთ
სამუშაოზე...

ჩემი ქმარი სამსახურიდან უნდა დაბრუნდეს!
ჩემი ქმარი სამსახურიდან უნდა დაბრუნდეს!
ჩემი ქმარი სამსახურიდან უნდა დაბრუნდეს!

გამზადებულ საცივში ფოსფორისფერი
ბურთი ჩამიხტა
და ჩემს შვილს გადაავიწყდა,
რა ენაზე უნდა იმეტყველოს.


2007 წ. 27 ივლისი

 


თანამედროვე ფილოსოფია, ლიტერატურა, ესეისტიკა, სიურრეალისტური გლემი, ჰორორი,პორნოგრაფიული ზღაპრები, პოლიტიკური პროვოკაციები, ძლიერთა ამა ქვეყნისათა შეურაცხყოფა... ასევე კიბერ-კულტურა, ქართული გლ(ი)ამური, ურბანული ფოლკლორი, მედია-კრიტიკა, შავი იუმორი, შოკი და ა.შ.