ციკლიდან „პასუხები ბეგბედერს“ (2)





პოეზია

ციკლიდან „პასუხები ბეგბედერს“ (2)




* * * ხომ შეიძლება, უბრალოდ დავშორდეთ ერთმანეთს, თუნდაც Gucci - ს Envi – ს წინ? უცილობელად

 

უცილობელად დავშორდებით,

თუ გინდა, ხვალვე,

ოღონდ აქ არა,

და დღეს არა,

და ასე არა, Gucci - ს Enviს წინ არ დავშორდეთ _

მე მიყვარს Envi,

მიყვარს ეს ქუჩაც,

 და ეს ქუჩის რეკლამაც მიყვარს,

 მიყვარს ბავშვობის გახსენება

და ის, ვინც მაშინ

ამ სუნს ხელჩანთით ატარებდა

და მასიზმრებდა ყველაფერს,

რასაც დღევანდელი ყოფა დაერქვა.

 

ხვალ ჩვენ უბრალოდ დავშორდებით,

დაგტოვებ მარტო,

და სხვა საგნები გამახსენებს შენს არსებობას,

სხვა სურნელება,

 სხვა ქუჩა და

სხვა თარიღები,

მაგრამ ეს არა,

ეს დღე არა,

არასდიდებით _

უცილობელად დავშორდებით,

ოღონდ აქ _

არა.

 


თანამედროვე ფილოსოფია, ლიტერატურა, ესეისტიკა, სიურრეალისტური გლემი, ჰორორი,პორნოგრაფიული ზღაპრები, პოლიტიკური პროვოკაციები, ძლიერთა ამა ქვეყნისათა შეურაცხყოფა... ასევე კიბერ-კულტურა, ქართული გლ(ი)ამური, ურბანული ფოლკლორი, მედია-კრიტიკა, შავი იუმორი, შოკი და ა.შ.