მუნიციპალური შენობის წინ





პოეზია

მუნიციპალური შენობის წინ




რომელიღაც მუნიციპალური შენობის წინ 
მომეჩვენა, რომ ქალი წველიდა ძროხას,
როგორც დისნეის მულტფილმებში სოფლელი ბებო
უზარმაზარი მრგვალი გავით,
მაგრამ ძროხა არსად ჩანდა.
5 ლიტრიანი წითელი სათლი
იქვე პატარა შადრევნიდან ამოევსო
ზედ მიმჯდარიყო და პეშვით ისხამდა 
წყალს ფეხებსშორის.
გვერდით მიმოდიოდნენ გრძელი, გარუჯული გოგოები მოკლე შორტებში
და ბიჭები მოშვებული ჰალსტუხებით.
ყურადღებას არც კი აქცევდნენ
იმდენად წარმოუდგენელი იყო,
რომ შუა ქუჩაში,
მითუმეტეს შავადშემინული მუნიციპალური შენობის წინ
ვიღაც მუტელს გამოიბანდა.
მხოლოდ ქუჩის გადაღმა მწვანე საზამთროთი სავსე
მწვანე მანქანის მძღოლს ჰქონდა დაჟინებული მზერა,
თანდათან ზიზღში რომ გადაუვიდა.

თანამედროვე ფილოსოფია, ლიტერატურა, ესეისტიკა, სიურრეალისტური გლემი, ჰორორი,პორნოგრაფიული ზღაპრები, პოლიტიკური პროვოკაციები, ძლიერთა ამა ქვეყნისათა შეურაცხყოფა... ასევე კიბერ-კულტურა, ქართული გლ(ი)ამური, ურბანული ფოლკლორი, მედია-კრიტიკა, შავი იუმორი, შოკი და ა.შ.