ენიდან გაქცევა





პოეზია

ენიდან გაქცევა




დუმილი აღარ არის დუმილი.
დუმილი მეტყველებს რა ხანია.
გარდაცვალება ენაა.
ბაბუა მწიფე ატამივით იფურცქნებოდა 
სანამ არ გაყინეს.
ეს ნიშნავს რაღაცას.
დიდი ხანია შემთხვევითი მოვლენები 
ნიშნავს რაღაცას.
სიყვარული აღარ არის სექსის წინაპირობა
სიყვარული პოლიტიკური მესიჯია. 
ლოცვა აღარ არის ლოცვა,
ლოცვა დილის ნიუსია.
ფუკუსიმა აღარ აღნიშნავს ტრაგედიას
ფუკუსიმა წერისა და ზეპირი მეტყველების უნარს ავითარებს. 
მითოლოგიური პერსონაჟები და გმირები აღარ იხოცებიან,
მათ კორპორაციები უხდიან ხელფასს.
ენაში აღარ არსებობს ნაკრძალები,
ენა აღარ მალავს ტერიტორიებს.
უფლება აღარ ნიშნავს თავისუფლებას,
უფლება ვერ აუქმებს იერარქიას.
ენა აღარ გულისხმობს დროს,
ენა მდგომარეობათა მონაცვლეობას გულისხმობს.
შეუძლებელია ენიდან გაქცევა,
ენიდან გაქცევა ნიშნავს ენიდან გაქცევას. 

თანამედროვე ფილოსოფია, ლიტერატურა, ესეისტიკა, სიურრეალისტური გლემი, ჰორორი,პორნოგრაფიული ზღაპრები, პოლიტიკური პროვოკაციები, ძლიერთა ამა ქვეყნისათა შეურაცხყოფა... ასევე კიბერ-კულტურა, ქართული გლ(ი)ამური, ურბანული ფოლკლორი, მედია-კრიტიკა, შავი იუმორი, შოკი და ა.შ.