წრეზე





პოეზია

წრეზე




 

ფეხაკრეფით ჩავიარო,

ლექსის მძვინვარება არ გავაღვიძო.

ნაპერწკალზე ხანძარი არ გავაჩაღო.

სიო ქარიშხლად არ მოვაქციო.

სულ ისეთ გზას მივსდიო,

რომელიც არ გრძელდება.

სულ წრეზე ვიარო –

ჩიხში ვიმოგზაურო.

ყოველთვის ერთი თვის ოცდახუთი რიცხვიდან,

მეორე თვის ოცდახუთ რიცხვამდე ვიარსებო.

ყოველი თვის ოცდახუთი –

პურია ჩვენი არსობისა.

და დავივიწყო ძველი სიმღერები.

წარსულს ჩავაბარო

კალმის წვერის სიმტკიცე.

ისედაც, სადღა არის

მეტაფორის და სიმბოლოს

ორი ღია ფანჯარა?

 

 

26. 10. 2011


თანამედროვე ფილოსოფია, ლიტერატურა, ესეისტიკა, სიურრეალისტური გლემი, ჰორორი,პორნოგრაფიული ზღაპრები, პოლიტიკური პროვოკაციები, ძლიერთა ამა ქვეყნისათა შეურაცხყოფა... ასევე კიბერ-კულტურა, ქართული გლ(ი)ამური, ურბანული ფოლკლორი, მედია-კრიტიკა, შავი იუმორი, შოკი და ა.შ.