ნატურმორტი
პოეზია

ნატურმორტი


პერვერსიაა ჩემი ჩრდილის 
ასფალტთან ფლირტი 
მწვანე გვამი ვარ 
სიკვდილის პეპლებს ვაბინავებ
მწვანე ენაზე
ვერცხლისწყლით ნაბად სიზმრებს ვხედავ სიზმარში სადაც
არ მეშინია გამოღვიძების. 
უსასრულოა ეს სიზმარი
არ უჩანს ბოლო
სინთეზური ვარსკვლავებით მოსირმულ პლედებს
ასფალტთან ახლოს, გვამების ტყეში 
ზვავად რომ ყრია. 
ტყის შუაგულში პატარა ბორცვზე ხარობს ბალახი
ხასხასებს, ეძებს, მოძრაობს. სუნთქავს 
სიტყვებს ფილტვებით
ივსება სიტყვით
იზრდება სიტყვით
კვებავს იმედებს
და იმედოვნებს: 
ჩრდილებს აქვთ ფრთები,
პეპლებს დებს მთვარე,
მწვანე გვამს დილის 
სხივი წაიღებს.
 
 
თანამედროვე ფილოსოფია, ლიტერატურა, ესეისტიკა, სიურრეალისტური გლემი, ჰორორი,პორნოგრაფიული ზღაპრები, პოლიტიკური პროვოკაციები, ძლიერთა ამა ქვეყნისათა შეურაცხყოფა... ასევე კიბერ-კულტურა, ქართული გლ(ი)ამური, ურბანული ფოლკლორი, მედია-კრიტიკა, შავი იუმორი, შოკი და ა.შ.