ერთ დილას, მერლინ მონრომ გაიღვიძა და აღმოაჩინა, რომ საზარელ ჰიტლერად გადაქცეულიყო. უფრო სწორად, სტალინად... სინამდვილეში, ეს სტალინი კი არა, ფიდელ კასტრო იყო და აჰმადინეჯადის პაროდირებას ცდილობდა. თუმცა, რაში სჭირდებოდა პაროდია, როცა იყო კიდეც აჰმადინეჯადი, რომელიც, შიგადაშიგ, აწგანსვენებულ (ძაღლი მიაკვდა) ოსამა ბინ ლადენად გარდაისახებოდა ხოლმე. როგორც იტყვიან, რაღაც მანქანებით.
დაახლოებით ასე დაინახა Jesse Lenz-მა ეს ყველაფერი. და დაახლოებით ასე შეიქმნა სერია, რომელსაც, ვიყოთ ორიგინალურები და, ვუწოდოთ მონსტროგლამური. მერლინ მონროს გარეგნული დეტალების იმპორტირებით არტისტმა შთამბეჭდავი პოლიტიკური გალერეა შექმნა.
