პატარა გენიოსი





პოეზია

პატარა გენიოსი




პატარა გენიოსი დაიბადა საფლავის კერაზე,

და რევოლუციას ახდენს დედის გაჭრილ მუცელზე,

მასში დამონტაჟებულია მკვდართა ქალაქის ცოცხალი აზრი,

რომელიც მიდრეკილია ევოლუციური და ეთნიკური რევოლუციისაკენ,

რომელიც, ოცნებაა აუხდენელი, ყოველი მოსული ახალი თაობის.

პატარა გენიოსი ილუზიონისტია,

პატარა გენიოსი აბსტრაქტულია,

პატარა გენიოსს უკანასკნელი ბომბი უჭირავს,

პატარა გენიოსი, სამყაროს წრეს ურტყამს,

მაგრამ ხანდახან, როგორც ღმერთი ზეიმობს

ფეხი ფეხზე გადადებული,

ისე უყურებს საკუთარ თავს,

პატარა გენიოსს ჩვეულებრივი გარეგნობა აქვს,

სუსტი - ორმოცდათხუთმეტი კილო,

საშუალო სიმაღლის - მეტრი და სამოცდახუთი,

შავი თვალებით

და შავი თმებით,

პატარა გენიოსი, ახალ ცხოვრებას აშენებს,

და ძველ შავ საფოსტო ყუთში აგდებს,

პატარა გენიოსი - „გამოუსადეგარი აღარავინ დარჩა,

საქმე შესრულებულია,

მშვიდად ვარ,

ახლა კი უკვე დიდი გენიოსი ვარ.“

დიდი გენიოსი ტოვებს ცხოვრებას,

ედემის კარებს აღებს

და თეთრი ალუბლის რტოდან გადმოჰურებს 

სისრულეში მოყვანილ ცხოვრებას.


თანამედროვე ფილოსოფია, ლიტერატურა, ესეისტიკა, სიურრეალისტური გლემი, ჰორორი,პორნოგრაფიული ზღაპრები, პოლიტიკური პროვოკაციები, ძლიერთა ამა ქვეყნისათა შეურაცხყოფა... ასევე კიბერ-კულტურა, ქართული გლ(ი)ამური, ურბანული ფოლკლორი, მედია-კრიტიკა, შავი იუმორი, შოკი და ა.შ.