ხელი გამიშვით





პოეზია

ხელი გამიშვით




დიდად პატივცემულო მოსამართლევ 
ღრმად პატივცემულო მსაჯულნო 
ძვირფასო საზოგადოებავ, 
კდემამოსილო ეკლესიავ 
ტელევიზიებო და რადიოებო 
და სხვა წვრილ წვრილო რელიგიებო, 
გენიალურო ხელოვნებო 
და მათო მფრინავო ჩრდილებო, 
მულატებო და შავო და 
ვარდისფერო პანტერებო, 
ტერორისტებო და მეციხოვნეებო 
მცველნო არარაობის, 
სომათი და პეიოტით გაჭყეპილო ჯადოქრებო, 
გაორებულო ევოლუციავ, 
ანტიკურო და წმინდა პროცესებო, 
ჩემო აგრესიავ, ტყვიას გამობმულო 
ფოლადის ტუჩებიდან გადაპურჭყებულო, 
სულდაღვრილო ლოთებო, 
ფილოსოფოსებო და ჭკვიანებო 
და ლამაზებო და ლამაზებო 
სველ ასფალტზე ქუსლებს რომ აბაკუნებთ, 
დეპუტანებო და მათო სეკრეტუტკებო 
და ბოზნესმენებო ვაზელინისგან 
საახალწლო ნათურასავით 
მოლაპლაპე მელოტი თავით, 
დე-ენ-ემ-ის ბანკებო, მესიჯებად 
მითებს რომ მიგზავნით, 
მამაო ჩვენო და დედაო ჩვენო 
და შვილო ჩვენო და ცოლო ჩვენო 
(ნეტავ შენი ჰიგიენური საფენი 
ჯადოსნური ხალიჩა იყოს), 
დადაისტებო და ეპატაჟისტებო და სიმფსონებო, 
მოსწავლეებო და მოჩხუბარნო და მოყვარეებო, 
მოღვაწეებო და კეთილებო და 
კეთილ მოტყნულებო, 
რევოლუციებო და ქვეყნებო და მმართველებო 
მოსამართლეებო და მოწყალეებო 
მორჭმულ განგებიანებო, 
მაღალფარდოვანო საუბრებო კაფეებში 
და მათ გვერდით დაგდებულო 
ნაღეჭო კევებო, 
ჯარისკაცებო, პატრიოტიზმი 
ცხვირიდან რომ გასხამთ, 
დაყარეთ იარაღი! 
დაყარეთ იარაღი!

 

 


თანამედროვე ფილოსოფია, ლიტერატურა, ესეისტიკა, სიურრეალისტური გლემი, ჰორორი,პორნოგრაფიული ზღაპრები, პოლიტიკური პროვოკაციები, ძლიერთა ამა ქვეყნისათა შეურაცხყოფა... ასევე კიბერ-კულტურა, ქართული გლ(ი)ამური, ურბანული ფოლკლორი, მედია-კრიტიკა, შავი იუმორი, შოკი და ა.შ.