ჰაიკუ შურისძიებაზე

ჯიჰადი გამოცხადებულია.

ნაკუწებად ქცეულ პრეზიდენტს

მაკდონალდსიდან ვუყურებ.

*   *   *

ობოლი აფრიკელი

დედას ელტვოდა,

დედას... დედას?..

სადღა გყავს დედა? –

გაიფიქრა სალდათმა.

*   *   *

ეკრანი ციმციმებს –

ღმერთი ზარს მიშვებს...

არ დავურეკავ...

*   *   *

ბილბორდზე გაკრულ

მადონას პლაკატს ცოტაც

და ლიფი გაძვრება...

*   *   *

ზიმერის დაკრულს

ვეღარ გაუძლო ბახმა...

''სიკვდილი 2''...

Vermis sum

დიახ, იქ ვბობღავ

სადაც ყველანი წახვალთ... –

თქვენში ვიქნები...

ჩვიდმეტმაისელი "მამაო"

დაჭრილი ღმერთი

უსუსურად უყურებს...

''მე მაინც მოვკლავ!''

თალიბებს

მუჰამედი გათავდა, –

აქლემმა შიდსი აჰკიდა

და უდაბნოში მიაგდო.

ნიცშეს

მე მივაგენი ზე–ადამიანს,

მივაგენი შენი მინიშნებებით,

მაგრამ ჩემშივე მოვკალი.