პოეზია

მრავალი სიგიჟე აზრთაგან ყველაზე ღვთიური არის

თარგმნა სოფო ჭეიშვილმა

 

 

მრავალი სიგიჟე აზრთაგან ყველაზე ღვთიური არის —

გამჭოლი მზერისთვის —

მრავალი აზრი — უმკაცრესი სიგიჟე —

უმრავლესობაა

აქაც, როგორც ყოველგან, რომ ჭარბობს —

მიეცი თანხმობა — და საღი გონის ხარ —

შეეკამათე — ხარ უმალ საფრთხე —

და ჯაჭვასხმული

 

 

 

*

 

ჩემი ცხოვრება იდგა — ტყვიასხმულ თოფად —

კუთხე-კუთხე — სანამ ერთ დღეს

მეპატრონემ არ ჩაიარა — ამომიცნო —

და თან წამიყვანა —

 

და ახლა დავეხეტებით + უზენაეს ტყეებში —

და ახლა ვნადირობთ ფურირემზე —

და ყოველ ჯერზე რამეს რომ ვეტყვი —

უმალ  მთები მცემენ პასუხს —

 

და როგორ ვიღიმი, რა გულადი ნათელი

ღვივის მდელოზე —

ვეზუვიური სახეა უდავოდ

თავის სიამე რომ გადმოფინა —

 

და როცა ღამით — ჩვენი კარგი დღის მიწურულს —

ვდგავარ, მცველად, ოსტატის თავთან —

სჯობს დედალი სუსხურის

+ ღრმა ბალიშს — საზიარებლად —

 

მისი მტრისთვის — ვარ მტერი სასიკვდილო —

ვერცერთი + მეორედ ვერ შეირხევა —

ვისაც დავადგამ ჩემს ყვითელ თვალს —

ან დაჟინებულ ცერს —

 

თუნდ მე მასზე — მეტხანს ვიცოცხლო

მან უნდა — მეტხანს — ვიდრე მე —

რადგან მე უნარი არ მაქვს + მკვლელობის გარდა,

გარეშე — მოკვდომის უნარის —

 

+ იმ    + დაბალ    + ზიანი    + ხელობა 

 

 

 

*

 

პირველი დღის ღამე მოსულიყო —

და მადლიერმა რომ რაიმე

ასე საზარლის — ძალუძს გაძლება —

ჩემს სულს მივმართე, ემღერა —

მან მითხრა, მისი სიმები დაწყდნენ —

მისი მშვილდი — ატომებრ დაიფშვნა —

ჰოდა მისმა შეკეთებამ — საქმე მომცა —

მომდევნო დილამდე —

 

და მერე — დღე დიდი

ვით გუშინდლები წყვილებად,

თავის თავზარით გაეშალა ჩემს სახეს —

სანამ თვალები არ ამომივსო —

 

ჩემი ტვინი — მოჰყვა სიცილს —

მე ვლუღლუღებდი — ვითარცა შტერი —

და თუმცა წლების წინაა — ეგ დღე —

ჩემი ტვინი ქირქილებს — ჯერაც.

 

და რაღაც უჩვეულო — შიგნით —

ის პიროვნება მე რომ ვიყავი —

და ის რაც ვარ — არაა თითქოს ერთი და იგივე —

შესაძლოა ეს სიგიჟე იყოს — ეს?

 

ალენ გინსბერგი - კადიში

ამბროსი მელქაძე - მესამე საბავშვო ლექსი

კარენ ანტაშიანი - ჰო, არა?

ზურა მელიქიძე - მკვდარი პოეტების ანატომია

დათო ჟორდანია - საფიცარი ამაოება

1
demo.ge - სუფიური იგავები

2
სიმონ ვეილი - შემთხვევითობა

3
ცოტნე ცხვედიანი - მოლოტოვის კოქტეილი

4
ქეთი ჩუხროვი - ნებისმიერი საპროტესტო ხელოვნება არ არის პოლიტიკური

5
ზელიმხან უძილაური - რა ვქნა, მამაო?!