• პირველი სამამულო წარმოების არტპორტალი
პოეზია

თვალთვალი

×
ავტორის გვერდი გიორგი წურწუმია 00 , 0000 1227
ქუჩაში გამოფენილი ყველა ბილბორდი
მართალია
ისინი არ იტყუებიან
ბილბორდები დგანან და გულუბრყვილოდ გვიყურებენ
თვალებში
ისინი კითხულობენ
ჩვენს თვალებს
შუბლებს
მუცლებს
კაბებს და შარვლებს
ბიუსტჰალტერებს
შორტებს
და კედებს
პერანგებს
კოჰინორის ფანქრებს პერანგის გულის ჯიბეში
მაღალქუსლიან ფეხსაცმელებს
ქუდებს
და ცხვირებს
და ლოყებს და ტუჩებს
და ნიკაპებს
ქუჩაში გამოფენილი ბილბორდები
ვერასდროს წაიკითხავენ
სერიოზულ გამომეტყველაბს ჩვენს სახეზე
ღიმილს და დუმილს
და გაბრაზებას რაღაცის გამო
და სევდას და დარდს ჩვენს თვალებში
და სითბოს და მადლიერებას
და პათოსს და გულწრფელობას
და ამიტომ
ქუჩაში გამოფენილი ყველა ბილბორდი
მართალია
ჩვენ შეგვიძლია ბილბორდების პატარა ასლები
დავამზადოთ
და ჯვარცმასავით ვატაროთ
შეგვიძლია ბილბორდები სახურავებზე დავდგათ
და ტელევიზორები მივუერთოთ
შეგვიძლია ბილბორდებზე გარდაცვლილები დავასვენოთ
ჩვენ შეგვიძლია ბილბორდების ძირას მოვფსათ
ან ვჭამოთ
ბილბორდები ირიბი დიალოგის პირობებშიც ინარჩუნებენ
მედიტაციის უნარს
ქუჩაში გამოფენილი ყველა ბილბორდი მართალია
სანამ ჩვენ დავიწყებთ მათი წარწერების წაკითხვას
აქ მთავრდება პოეზია

ამავე რუბრიკაში
  კვირის პოპულარული