თარგმანი: ალექს ჩიღვინაძე
* * *
შენზე ფიქრებით
ჩავჯექი ავტობუსში
გადავიხადე 60 ცენტი
და მოვთხოვე მძღოლს ორი ბილეთი
ჩემი მარტოობის აღმოჩენის პუნქტამდე.
* * *
მე მაქვს 75 ვატიანი
ნათურა ტუალეტში
ამ ბინაში ვცხოვრობ
უკვე ორ წელზე მეტია
და ეს ნათურა ჯერ კიდევ ანათებს
დარწმუნებული ვარ,
რომ ის შეყვარებულია ჩემზე.
***
სიკვდილი – როგორც ავტოსტოპი
უცნობ ქალაქში,
გვიან ღამით, როდესაც საშინლად ცივა,
წვიმს და შენ კვლავ მარტო ხარ.
