• პირველი სამამულო წარმოების არტპორტალი
ფილოსოფია

პრუსტის კითხვარი

×
Paata Shamugia, Photo by David Konecny
ავტორის გვერდი პაატა შამუგია 16 აპრილი, 2010 2147

1.    რა არის თქვენი დამახასიათებელი მთავარი თვისება? 

სიბრძნე, შორსმჭვრეტელობა და თავმდაბლობა.

2.    როგორ მოიაზრებთ ბედნიერების იდეას?

ბედნიერება არ არსებობს. 

3.    რა არის თქვენთვის მნიშვნელოვანი თვისება მამაკაცში?

ტვინის ნაოჭები.

4. რა არის თქვენთვის მნიშვნელოვანი თვისება ქალში?

ტვინის ნაოჭები.

5. რას მიიჩნევთ თქვენს მთავარ ნაკლად?

ტვინის ნაოჭებს. 

6. რა არის თქვენი საყვარელი საქმიანობა?

წერა-კითხვა.

7. ნიჭი, რომელიც გინდათ, რომ გქონდეთ

წერა-კითხვის.

8. რას ვერ იტანთ ყველაზე მეტად?

ამ კითხვას.

9. ის, რასაც ადვილად პატიობთ

ადვილად არაფერს ვპატიობ. 

10. რისი პატიება არ შეგიძლიათ?

ყველაფრის, ოღონდ რთულად. 

11. რის გარეშე ვერ წარმოგიდგენიათ სიცოცხლე?

ტვინის.

12. ვის გარეშე ვერ წამოგიდგენიათ სიცოცხლე?

ეს სახელები მუდმივად იცვლება.

13. რას მიიჩნევთ თქვენს უმნიშვნელოვანეს მიღწევად?

არ მაქვს ასეთი რამ.

14. რა არის თქვენი საყვარელი საქმიანობა?

წერა-კითხვა, სექსი, მარტო ყოფნა, სიგარეტი უზმოზე.

15. რომელია თქვენი საყვარელი ყვავილი?

საკურა.

16. საყვარელი ფრინველი?

ბატი. 

17. რა არის თქვენი ყველაზე დიდი დარდი?

ის, რომ ბედნიერება პრინციპულად შეუძლებელია.

18. რომ არა თქვენ, ვინ იქნებოდით?

არავინ. ახლაც არავინ ვარ.

19. გჯერათ თუ არა რევოლუციების?

არ მჯერა - მომწონს.

20. თქვენი ყველაზე დიდი დანაშაული?

საიდუმლოა.

21. ვინ არის თქვენი საყვარელი პროზის ავტორი?

“იოანეს სახარების” ავტორი იოანე.

22. თქვენი საყვარელი პოეტი?

“იოანეს სახარების” ავტორი იოანე.

23. საყვარელი მხატვარი?

ლუის ბურჟუა. გვარმა არ შეგაცდინოთ, მემარცხენეა.

24. ვინ არის თქვენი საყვარელი კომპოზიტორი?

ქოენი…

25. რომელი ისტორიული პერსონაჟი იწვევს ზიზღს?

არცერთი - ისტორიისადმი ფრიგიდული ვარ.

26. ვინ არის თქვენი საყვარელი ლიტერატურული გმირი ქალი? 

დულსინეა.

27. ვინ არის თქვენი საყვარელი ლიტერატურული გმირი მამაკაცი?

იოზეფ კა.

28. ვინ არის თქვენი გმირი რეალურ ცხოვრებაში?
 
ბერძენი პოეტი იანის რიცოსი, რომელიც პოლიტიკური იდეების გამო, ციხეში ჩასვეს. იქაც ლექსებს წერდა, ოღონდ ფურცლებს არ აძლევდნენ და სიგარეტის კოლოფის ნაგლეჯებზე უწევდა წერა. მერე ამ ნაგლეჯებს პიჯაკის სარჩულში ტენიდა მალულად. როცა გაათავისუფლეს, მას თავისი ლექსები ეცვა.

29. რა არის თქვენი საყვარელი საჭმელი და სასმელი?

საჭმელებიდან - ელარჯი და აჭარული ხაჭაპური, სასმელებიდან ვსვამ ყველაფერს, რაც ათრობს, სიყვარულით არცერთი არ მიყვარს.

30. რომელი სახელები გიყვართ?

სულერთია.

31. რომელია თქვენი საყვარელი ფერი?
 
ზაფხულში ყვითელი და ზამთარში მწვანე.

32. რით ხართ დაჯილდოებული?

მიწისძვრას ვგრძნობ ნახევარი საათით ადრე.

33. რას თვლით თქვენს უმნიშვნელოვანეს მიღწევად?

ასეთი რამე არ გამაჩნია.

34. რომელ ნიჭს გინდათ რომ ფლობდეთ? 

ფიზიკის.

35. სიმღერა, რომელსაც ყველაზე ხშირად ღიღინებთ
 
- „The sound of silence“ და „გაფრინდი, შავო მერცხალო“.

36. რას აფასებთ ყველაზე მეტად მეგობრებში?

იხ: მესამე და მეოთხე კითხვის პასუხი.

37. როგორია თქვენი ამჟამინდელი სულიერი განწყობა?

სტაბილური.

38. რა გინდათ, თქვენზე რომ თქვან დიდი ხნის შემდეგ?

ის, რასაც ჩემი ყოფილი შეყვარებული ამბობდა ჩემზე მანამ, სანამ ჩემი ყოფილი შეყვარებული გახდებოდა.

39. - თქვენი ყველაზე დიდი შეცდომა

- ასეთ რამეზე მხოლობით რიცხვში ვერ ვილაპარაკებ.

40. როგორ სიკვდილს ისურვებდით?

-  საერთოდ არ ვაპირებ სიკვდილს. არასოდეს. 

41. - გჯერათ, რომ…

- წინა პასუხი სისულელეა, მაგრამ ლამაზი.
 
42. - თქვენი დევიზი

- ვენიც ვიცი
ვიდიც ვიცი
ვიცი ხომ ვიცი და ვიცი.

43. რამდენად გულწრფელად პასუხობდით?

არ ვიცოდი, ეს აუცილებელი თუ იყო.  


ამავე რუბრიკაში
  კვირის პოპულარული